今日我生日，等我許個生日願望先
希望各位手足繼續謹記兄弟爬山，各自努力，不分化不割蓆
每一個手足都係毫無經驗，好多嘢都慢慢學習同進化緊
唔好再屌嚟屌去，唔好再對手足講難聽說話
呢啲說話唔係提醒，唔係為咗件事好亦都唔係為咗手足
無論任何表達手法都會有人唔認同，但只要大方向係為咗五大訴求
我地都唔會割蓆或屌手足
最後當然係五大訴求，缺一不可
另外
好多人PM我，見我無出Post好擔心我，叫我得閒出下Post保個平安
感謝大家關心
我最近生活係......
發夢時發夢，返工時返工，放工就修補連儂牆
跳閘時跳閘，罷食時罷食，得閒就操下短跑體能
間中上下連登屌下五毛同分化撚....
完全將運動融入生活一部份
有人話擔心政府做咗好多動作務求令運動失敗
老實講，我從來都唔會擔心對家做任何嘢
我最擔心係自己手足慢慢被麻木、慢慢放棄、慢慢懶惰
因為我相信只要我地每一個人都堅持繼續做由六月到今嘅行動
堅持住五大訴求缺一不可
根本任何嘢都拆散唔到我地
從來只有自己拆散自己
所以真係
大家加油
堅持到底
呀...有人同我表達幾時出故嘅訴求
我即刻回應，快過林鄭
等10月1日過後嗰個星期就POST比大家睇
走數正仆街
Search